Thumbnail

ბექა გიგაშვილი ტოპ 14-ის ტურის სიმბოლურშია 

ქეთო რაზმაძე პროფილის ფოტო
ქეთო რაზმაძე
  • ნაკრებში გამოძახება გიგაშვილმა საფრანგეთში ლელოთი აღნიშნა
  • ქართველი მორაგბე ორმა გამოცემამ გამოარჩია

ტრადიციულად, ფრანგულმა "რაგბი რამამ" და "ევროსპორტმა" ტოპ 14-ის ტურის სიმბოლური ნაკრების შემადგენლობა გამოაქვეყნეს.

სასიხარულოა, რომ "მიდი ოლიმპიკის" ჟურნალისტების რჩეულ 15-ეულში ქართველი მორაგბის გვარი ამოვიკითხეთ: ბექა გიგაშვილმა თავისი "გრენობლისა" და "კლერმონის" 27:27 დასრულებული მატჩის პირველი ლელო მიითვალა და მთლიანობაშიც შეხვედრის ერთ-ერთი საუკეთესო მოთამაშეც გახლდათ.

"ქართველი ბექა გიგაშვილი "კლერმონთან" შეხვედრაში ბრწყინვალედ მოთამაშე "გრენობლის" ეფექტური შერკინების ქვაკუთხედი იყო", - წერია "რაგბი რამას" საიტზე.

აღსანიშნავია, რომ ტოპ 14-ის ტურის სიმბოლურში პირველად მოხვედრა 26 წლის გიგაშვილმა ბორჯღალოსნებში პირველ გამოძახებას მიაყოლა. მოსალოდნელია, რომ მარჯვენა ბურჯს საქართველოს ნაკრებში დებიუტი იტალიასთან მოახლოებულ შეხვედრაში ჰქონდეს.

კომენტარები

ბოლო ამბები