'ახალი პირლო' ბრეშადან - იტალიელის შეძენა ოთხ გრანდს სურს

ბრეშას ‘ახალი პირლო’ ჰყავს - სანდრო ტონალი
18 წლის სანდრო ტონალისთვის ოთხი დიდი კლუბი იბრძვის

სანდრო ტონალი ბრეშას ძირითად გუნდში უკვე მეორე სეზონს ატარებს. იტალიურ პრესაში მას ‘ახალ პირლოს’ უწოდებენ. შარშან 17 წლის ტონალიმ ბრეშას მაისურით, სერია B-ში, 19 მატჩი ჩაატარა და 2 გოლიც გაიტანა, სალერნიტანასთან და ჩიტადელასთან.

ახალგაზრდა ფეხბურთელის მიმართ ინტერესი გაიზარდა, ტონელიმ იტალიის 19-წლამდე ფეხბურთელთა ნაკრებში რვა მატჩი ითამაშა და უცხოელი აგენტების ყურადღებაც მიიქცია. მან 19-წლამდე ფეხბურთელთა ევროპის ჩემპიონატზე ითამაშა, სადაც პორტუგალიამ იტალიას დამატებით დროში 4:3 მოუგო.

18 წლის სანდროს გადაბირება ოთხ დიდ კლუბს სურს: ატლეტიკოს, მილანს, იუვენტუსსა და ჩელსის. საინტერესოა, რას გადაწყვეტს ‘ახალი პირლო’ და რომელ კლუბს შეუერთდება.