Thumbnail

რუსეთის ქალაქ კრასნოდარში ესპანეთის ნაკრებმა ამხანაგურ მატჩში ტუნისს 1:0 მოუგო.

გამარჯვების გოლი შეცვლაზე შესულების დამსახურებაა - როდრიგოს ნაცვლად გამოსულმა დიეგო კოშტამ მეკარე და მცველები მოატყუა საჯარიმოში და ბურთი იაგო ასპასს დაუგორა, რომელმაც ანგარიში გახსნა. 

შეგახსენებთ, რომ 3 ივნისს ესპანეთი შვეიცარიას 1:1 დაუზავდა. ეს "ფურია როხას" უკანასკნელი რეპეტიცია იყო მუნდიალამდე. 15 ივნისს ესპანეთის ნაკრები ჯგუფური ეტაპის პირველ მატჩს ევროპის ჩემპიონი პორტუგალიის წინააღმდეგ გამართავს. 

იაგო ასპასი: "ძალიან კარგი ტურნირი უნდა გამოგვივიდეს, ჩვენ ენთუზიაზმით აღსავსენი ვართ. ამ გამარჯვებამ თვითრწმენა შეგვამატა მუნდიალის დაწყებამდე".

იაგო ასპასმა ესპანეთის ნაკრების 10 მატჩში 9 გოლში მიიღო მონაწილეობა (5 გოლი, 4 ასისტი). 

ამ შეხვედრაში კოკემ მე-40-ედ მოირგო "ფურია როხას" მაისურა, ხოლო ანდრეს ინიესტამ 127-ედ და ესპანეთის ნაკრების ისტორიაში მე-4 შედეგი აჩვენა. 

ესპანეთი 1:0 ტუნისი

გოლი: ასპასი (84)

ესპანეთი (4-2-3-1): დე ხეა - ოდრიოზოლა (46. ნაჩო), პიკე, ს. რამოსი, ალბა (76. ასპასი) - ბუსკეტსი, ტიაგო ალკანტარა (46. კოკე) - დავიდ სილვა (60. ასენსიო), ისკო (46. ლუკას ვასკესი), ინიესტა - როდრიგო (60. დიეგო კოშტა) 

სხვა მატჩები

ლატვია 1:3 აზერბაიჯანი

უნგრეთი 1:2 ავსტრალია

ესტონეთი 1:3 მაროკო

ფინეთი 2:0 ბელარუსი

სერბეთი 5:1 ბოლივია

(მიტროვიჩის ჰეთ თრიკი)

შვედეთი 0:0 პერუ

დანია 2:0 მექსიკა

კომენტარები

ბოლო ამბები