Thumbnail

მაშინ, როცა გოგა ბითაძის ინდიანა პეისერსი სანდრო მამუკელაშვილის მილუოკი ბაქსს სტუმრობდა, ქართველი ცენტრი NBA-ის განვითარების ლიგის მატჩში თამაშობდა - მისმა ფორტ ვეინ მედ ანტსმა 131:127 დაამარცხა საკმაოდ ვარსკვლავური გოლდი.

მეტოქის რიგებში აიზეა თომასი, ლენს სტივენსონი და ნიკ სტაუსკასი თამაშობდნენ, სასტარტო ხუთეულში იყო გიორგი ბეჟანიშვილიც (25 ქულა და 7 მოხსნა). მაგრამ მატჩის გმირი გოგა იყო, რომელმაც ფანტასტიკურად ითამაშა 38 ქულა, 14 მოხსნა და 5 პასი მიითვალა. მისი შეჩერება ვერავინ შეძლო. ამერიკული მედია გოგა ბითაძის სუპერმატჩს გამოეხმაურა:

გოგა V გიორგი მატჩის სტარტზე

ტონი ისტი (Forbes): "სათამაშო წუთები ესაჭიროებოდა, მაგრამ ბითაძე ამ დონისთვის მეტისმეტად კარგია. მან 68%-იანი სიზუსტით ისროლა და 6 სამქულიანი ჩააგდო".

NBA G League (ოფიციალური ტვიტერი): "წუხელ გოგას გამჩერებელი არავინ იყო".

სკოტ აგნესი (Fieldhouse Files): "გოგა ბითაძემ G ლიგის ორ მატჩში გააკეთა ის, რასაც მისგან ველით - იყო აბსოლუტური დომინანტი. 

ზაკ პირსონი (8pts9secs): "რომ იცოდეთ, გოგა ბითაძემ სარეზერვო ლიგაში 38 ქულა ჩააგდო და 14 მოხსნა გააკეთა, მან წუხელ 6 სამქულიანი ჩააგდო". 

ჯასტინ კონი (The Journal Gazette): "გოგა ბითაძეს მონსტრი თამაში ჰქონდა, როგორც ჩანს, მედ ანტსი "შოუკეის კაპზე" იასპარეზებს. მან გოლდი ნაწილებად დაშალა". 

ფორტ ვეინ მედ ანტსმა ბითაძის დახმარებით 8 მოგება და 4 მარცხი მოაგროვა და G ლიგის ცენტრალურ დივიზიონში მე-2 ადგილზე იმყოფება, ხოლო გრანდ რაპიდსი (5 მოგება, 6 წაგება) მეექვსეა. ფორტ ვეინს მომდევნო მატჩი 27 დეკემბერს კოლეჯ პარკ სქაიჰოუქსთან ელის და მცირე შანსია, გოგა იმ მატჩშიც ვიხილოთ (წესით, ინდიანამ უნდა დაიბრუნოს), გოლდსი კი 17 დეკემბერს ვინდი სიტი ბულსს გაეჯიბრება.

კომენტარები

ბოლო ამბები