Thumbnail

სერიას მაინც ჩვენ მოვიგებთ | მაიკლ დიქსონმა ფინალი 27 ქულით და მარცხით დაიწყო

ნიკო კვარაციხელი პროფილის ფოტო
ნიკო კვარაციხელი
  • აფიონი 64:60 ბაჰჩეშეჰირი
  • მაიკლ დიქსონმა 27 ქულა ჩააგდო

თურქეთის რანგით მეორე, TBL ლიგის პლეი ოფის ფინალის პირველ მატჩში მაიკლ დიქსონის ბაჰჩეშეჰირი ჯეიკობ პულენის აფიონ ბელადიესთან სტუმრად 60:64 დამარცხდა. 

თუმცა საქართველოს ნაკრების ახლანდელი და ყოფილი გამთამაშებლების დუელი დიქსონმა მოიგო, რომელმაც მატჩში ყველაზე მეტი, 27 ქულა ჩააგდო. მის ანგარიშზეა 5 მოხსნა, 2 პასი და 1 ჩაჭრა.

ჯეიკობ პულენმა, რომელიც ბევრს ლატვიის ნაკრებთან ბოლო წამზე ჩაგდებული სამქულიანით ახსოვს, 11 ქულა, 4 პასი და 3 მოხსნა მიითვალა. 

27 მაისს ამ გუნდების კიდევ ერთი შეხვედრა აფიონის მოედანზე გაიმართება. 

მაიკლ დიქსონი: "დღეს ძალიან რთული მატჩი იყო, ჩვენ ვერ მოვიგეთ, მაგრამ დარწმუნებული ვარ, სერიაში გამარჯვება მაინც ჩვენ დაგვრჩება". 

კომენტარები

ბოლო ამბები