Thumbnail

ევროპალიგის ფინალს ფანები დაესწრებიან - უეფამ ბილეთების გაყიდვა დაიწყო

ლუკა გაბიდაური პროფილის ფოტო
ლუკა გაბიდაური

უეფამ 2020/21 წლების ევროპალიგის ფინალურ მატჩზე ბილეთების გაყიდვის დაწყების შესახებ გამოაცხადა. ევროპის რანგით მეორე საკლუბო ტურნირისი გადამწყვეტი შეხვედრა 26 მაისს, პოლონეთის ქალაქ გდანსკში უნდა ჩატარდეს.

გამოკითხვა

ვინ გავა ფინალში?

  • არსენალი
  • ვილიარეალი

"პოლონეთის ხელისუფლებამ უეფას დაუდასტურა, რომ სტადონის შევსება სრული ტევადობის 25%-ით შესაძლებელი იქნება, რაც 9500 მაყურებელს შეადგენს. ფინალში გასული ორი კლუბი 2-2 ათას ბილეთს მიიღებს. კიდევ 2000 ბილეთი ფართო საზოგადოებისთვის უეფას საიტზე გაიყიდება, დარჩენილი ბილეთები კი ადგილობრივ ორგკომიტეტზე, უეფასა და ნაციონალურ ასოციაციებზე, კომერციული პარტნიორებსა და მაუწყებლებზე განაწილდება", - ნათქვამია განცხადებაში.

უეფას საიტზე ბილეთები, რომელთა ფასი 40-იდან 130 ევრომდეა, 7 მაისამდე გაიყიდება. ერთ პირს მაქსიმუმ ორი ბილეთის შეძენა შეუძლია. 

შეგახსენებთ, რომ კორონავირუსის პანდემიის გამო, ამ სეზონში ევროპალიგის წინა მატჩებს გულშემატკივრები ვერ ესწრებოდნენ. ტურნირის ფინალში ერთმანეთს არსენალი-ვილიარეალისა და მანჩესტერ იუნაიტედი-რომას წყვილებში გამარჯვებულები შეხვდებიან. 

კომენტარები

ბოლო ამბები