Thumbnail

The Naismith Trophy კოლეჯთა ლიგის ყველაზე პრესტიჟული ინდივიდუალური ჯილდოა - ის სეზონის საუკეთესო კალათბურთელს გადაეცემა. პირველად ისტორიაში ტიტულის ნომინანტთა სიაში ქართველი კალათბურთელია - სანდრო მამუკელაშვილი!

სანდრო ამ სეზონში სამი პრიზისთვის იბრძოლებს

სეტონ ჰოლის ოფიციალური საიტი იტყობინება, რომ NCAA-მ ტროფეისთვის მებრძოლი კანდიდატები დაასახელა, შუა სეზონის 30 ნომინანტს შორის სანდრო მამუკელაშვილიცაა, რომელიც, ამავდროულად, KARL MALONE AWARD-ისთვის იბრძვის, რომელიც სეზონის საუკეთესო მძიმე ფორვარდს გადაეცემა. 

შეგახსენებთ, რომ დღეს basketballncaa.com-მა სანდრო შუა სეზონის All-American-ის III ხუთეულში შეიყვანა. BIG EAST-ის კონფერენციიდან Naismith Trophy-ის შუა სეზონის გუნდში მხოლოდ 4 კალათბურთელია. სანდრო კიდევ ერთი პრიზის ნომინანტია - Haggerty Award - კონფერენციის საუკეთესო კალათბურთელს გადაეცემა. 

The Naismith Trophy. ოფიციალური ნომინანტები

ხოსე ალვარადო (ჯორჯია ტექ)
ჩარლზ ბესი (ვესტერნ კენტუკი)
ჯარედ ბატლერი (ბეილორი)
მარკუს კარი (მინესოტა)
ჯასტინ ჩემპენი (პიტი)
კოფი კოკბერნი (ილინოისი)
დერეკ კალვერი (ვესტ ვირჯინია)
კეიდ კანინგემი (ოკლაჰომა სტეიტი)
ოსკარ და სილვა (სტენფორდი)
ჰანტერ დიკინსონი (მიჩიგანი)
აიო დოსუნმუ (ილინოისი)
ლუკა გარზა (აიოვა)
კოლინ გილესპი (ვილანოვა)
ქვენტინ გრაიმსი (ჰიუსტონი)
ტრეის ჯეკსონ-დევისი (ინდიანა)
ჰერბერტ ჯონსი (ალაბამა)
კარლიკ ჯონსი (ლუისვილი)
კორი კისპერტი (გონზაგა)
კამერონ კრატვიგი (ლოიოლა/ჩიკაგო)
ი ჯეი ლიდელი (ოჰაიო სტეიტი)
სანდრო მამუკელაშვილი (სეტონ ჰოლი)
მარკ მაკკლანგი (ტექსას ტექ)
დევიონ მიტჩელი (ბეილორი)
ევან მობლი (USC)
ჯერემაია რობინსონ-ერლი (ვილანოვა)
ჯალენ საგსი (გონზაგა)
კამერონ ტომასი (LSU)
დრიუ ტიმი (გონზაგა)
ტრევიონ უილიამსი (პერდიუ)
მარკუს ზაგაროვსკი (კრეიტონი)

📺 FOX-ის სიუჟეტი სანდრო მამუკელაშვილზე

ნეისმიტის ტროფეი 1969 წელს დაარსდა. ის მოგებული აქვთ ლარი ბერდს, რალფ სემპსონს, მაიკლ ჯორდანს, პატრიკ იუინგს, დევიდ რობინსონს, ტიმ დანკანს, კევინ დურანტს, ენტონი დევისს და სხვებს. სიაში არ არის ლებრონ ჯეიმსი, მას კოლეჯთა ლიგაში არ უთამაშია. 2019 წელს ტროფეი ზაიონ უილიამსონმა მოიგო, შარშან კი გამარჯვებული ობი ტოპენი გახდა.

შეგახსენებთ, რომ ჯეიმს ნეისმიტი კანადელი გამომგონებელი, ექიმი და მწერალი იყო, სწორედ მან გამოიგონა კალათბურთი მე-19 საუკუნეში. 

კომენტარები

ბოლო ამბები