Thumbnail
  • ცსკა 66:69 ბაიერნი
  • ცსკა-ს ქართველმა ფორვარდმა ბაიერნთან 2-ქულიანი ეფექტურად ჩააგდო
  • ევროლიგამ შენგელიას გდება ტურის გამორჩეულ მომენტებში დაასახელა 

ცსკა-ბაიერნის მატჩში თორნიკე შენგელიას ეფექტური 2-ქულიანი გდების ეპიზოდი ევროლიგის 23-ე ტურის მომენტების ტოპათეულში მოხვდა. 

მოსკოვური გუნდის ქართველმა მძიმე ფორვარდმა ბაიერნთან 29 წუთი ითამაშა, რა დროშიც 11 ქულა, ასევე 3-3 მოხსნა და პასი დააგროვა. საბოლოოდ ცსკა ანგარიშით 66:69 დამარცხდა.

შენგელია ეფექტური მოქმედებით შეხვედრის პირველ მეოთხედში გამოირჩა. თორნიკემ ბურთი მოედნის კიდესთან მიიღო, ფარისკენ დაიძრა და ისე ჩააგდო, მეტოქე გუნდის ორმა კალათბურთელმა ხელი ვერაფრით შეუშალა. ეს ეპიზოდი ევროლიგის 23-ე ტურის TOP 10-ში მერვე ადგილზე გავიდა.


გასული 23 ტურის შემდეგ, მოსკოვის ცსკა ევროლიგაში მეორე ადგილზეა და ლიდერ ბარსელონას ჩამორჩება. შენგელიას გუნდი მომდევნო მატჩს 4 თებერვალს, ვალენსიასთან გამართავს.

კომენტარები

ბოლო ამბები