Thumbnail

ვოლგოგრადის როტორმა თურქულ შეკრებაზე პირველი ამხანაგური თამაში გამართა. ალეკსანდრ ხაცკევიჩის გუნდი პოლონურ იაგელონიას შეხვდა. გუნდებმა პირველივე ტაიმში გოლები გაცვალეს, როტორში კი თავი ზურიკო დავითაშვილმა გამოიჩინა.

ქართველმა შემტევმა მატჩის მე-40 წუთზე შეძლო გატანა - მან ანგარიში გაათანაბრა. პირველ ტაიმში ვოლგოგრადელთა შემადგენლობაში ზურიკოს გარდა, საბა კვეკვერკველიამ, ნიკა ყიფიანმა და დინამო ბათუმის ყოფილმა ფორვარდმა ჯოვინომ ითამაშეს.

მე-2 ტაიმში როტორი მოედანზე სხვა შემადგენლობით გავიდა და მათ შორის იყო გიორგი არაბიძეც. 22 წლის ქართველ შემტევს ახალ გუნდში დებიუტი ჰქონდა და სუპერგოლამდე სანტიმეტრები დააკლდა. 64-ე წუთზე არაბიძემ საყვარელი პოზიციიდან ცაციათი დაარტყა და პოლონელები ხარიხამ გადაარჩინა. იაგელოანის რიგებში არ უთამაშია ლუკა გუგეშაშვილს.

📺 დავითაშვილის გოლი და არაბიძის მომენტი

როტორი თურქეთში მომდევნო ამხანაგურ თამაშს 26 იანვარს გამართავს, ხოლო რუსეთის პრემიერლიგა 26 თებერვალს განახლდება.

კომენტარები

ბოლო ამბები