Thumbnail

დალასისა და მინესოტას განადგურების შემდეგ, ლოს ანჯელეს ლეიკერსმა თავს პორტლენდთან მარცხის უფლება მისცა.

პორტლენდში საუკეთესო დემიენ ლილარდი გახლდათ 31 ქულით (10/16), სი ჯეი მაკოლუმმა კი 20 ქულითა და 11 პასით ორმაგი დუბლი შეასრულა. არანაკლებ მნიშვნელოვანი იყო გარი ტრენტი სკამიდან, რომელმაც 28 ქულა მიითვალა და 7 სამქულიანი (11-დან) ჩააგდო. სწორედ მან ითამაშა მნიშვნელოვანი როლი იმაში, რომ პორტლენდმა მეოთხე პერიოდში გადამწყვეტი უპირატესობა მოიპოვა. ლეიკერსი ბოლო მეოთხედის წინ მხოლოდ ერთი ქულით იგებდა (85:84) და დასკვნით პერიოდში ტრენტმა 11 ქულა დააგროვა, ლილარდი კი დაასვენა.

ლილარდი საუკეთესო იყო

ლეიკერსისთვის საკმარისი არ აღმოჩნდა ის, რომ ლებრონ ჯეიმსმა ბოლო პერიოდის შუაში 7-ქულიანი ჩამორჩენა 5 სწრაფი ქულით აღმოფხვრა. ლილარდმა ისევ გაიბრწყინა, იუსუფ ნურკიჩმა (10 ქულა, 12 მოხსნა)  კი საფინალო სირენამდე 20 წამით ადრე მნიშვნელოვანი ბურთი ჩააგდო, რომელმაც პორტლენდს საყურადღებო გამარჯვება მოუტანა.

გამოკითხვა

ვინ მოიგებს NBA-ს?

  • ლეიკერსი
  • ბრუკლინი
  • კლიპერსი
  • მილუოკი
  • ბოსტონი
  • მაიამი
  • ფილადელფია
  • სხვა გუნდი

საბოლოო ჯამში, ლებრონ ჯეიმსის 29 ქულა, 9 მოხსნა და 6 პასი საკმარისი არ იყო. თავისი საყვარელი მეტოქის წინააღმდეგ ვერც ენტონი დევისმა ითამაშა კარგად (13 ქულა, 10 მოხსნა, 6/14). პირველ ტაიმში Big Man-ს მხოლოდ 2 ქულა ჰქონდა. აღსანიშნავია, რომ ლეიკერსს ალექს კარუზო აკლდა, პორტლენდს კი - კარმელო ენტონი. მატჩის საუკეთესო მომენტებს ვიდეოში ნახავთ.

კომენტარები

ბოლო ამბები