Thumbnail

საუკეთესო ძიუდოისტი და 'ამომავალი ვარსკვლავი' - პირველები ორ ნომინაციაში

ქეთო რაზმაძე პროფილის ფოტო
ქეთო რაზმაძე
  • IJF-მ 2020 წელი შეაჯამა და საუკეთესოები დაასახელა
  • 5-დან ორ ნომინაციაში საქართველოს ნაკრების წევრებმა იმარჯვეს

ძიუდოს საერთაშორისო ფედერაციამ (IJF) 2020 წელი შეაჯამა და გამოკითხვის შედეგად წლის საუკეთესო ძიუდოისტები 5 ნომინაციაში გამოავლინა. ორში ქართველები იყვნენ წარდგენილნი და ორივე შემთხვევაში გამარჯვება მოიპოვეს.

2020 წლის საუკეთესო კაცი ძიუდოისტი ლუხუმ ჩხვიმიანი (60 კგ.) გახდა. მან გამოკითხვაში ლუკაშ კრპალეკს (ჩეხეთი), ჟორჟე ფონსეკას (პორტუგალია), საგი მუკისა (ისრაელი) და შოჰეი ონოს (იაპონია) აჯობა. შეგახსენებთ, რომ 27 წლის ჩხვიმიანმა 2019 წელს ოქროს მედალი მოიპოვა როგორც მსოფლიოს, ასევე ევროპის ჩემპიონატზე.

🥋 ლუხუმ ჩხვიმიანი ძიუდოს საერთაშორისო ფედერაციის გამოკითხვის გამარჯვებული გახდა ნომინაციაში „წლის საუკეთესო მამაკაცი...

Posted by Georgian Judo Federation - საქართველოს ძიუდოს ფედერაცია on კვირა, 27 დეკემბერი, 2020


ქართველი ძიუდოისტი ტატო გრიგალაშვილი ძიუდოს საერთაშორისო ფედერაციის გამოკითხვის შედეგად, ნომინაციაში "ამომავალი ვარსკვლავი" - გამარჯვებული გახდა. მან  ანდრეა სტოიადინოვს (სერბეთი), პატრისია სამპაიოს (პორტუგალია), შირინე ბუკის (საფრანგეთი) და მანუელ ლომბარდოს (იტალია) აჯობა.

ტატო გრიგალაშვილი 2020 წელს ევროპის ჩემპიონი გახდა, როგორც დიდებში, ისე 23-წლამდელთა შორის და გარდა ამისა, დიუსელდორფის გრანდ სლემი მოიგო.

🥋 ტატო გრიგალაშვილი ძიუდოს საერთაშორისო ფედერაციის გამოკითხვის გამარჯვებული გახდა ნომინაციაში „ამომავალი ვარსკვლავი“....

Posted by Georgian Judo Federation - საქართველოს ძიუდოს ფედერაცია on კვირა, 27 დეკემბერი, 2020

კომენტარები

ბოლო ამბები