Thumbnail

მიქაუტაძემ მეტოქე 'ჩაწიხლა' - ჟორჟის უგოლო მატჩი და წითელი ბარათი

ქეთო რაზმაძე პროფილის ფოტო
ქეთო რაზმაძე

ბელგიის 1B დივიზიონის მე-14 ტურში ჟორჟ მიქაუტაძე გააძევეს. სერენი საკუთარ მოედანზე მოლენბეეკს დაუპირისპირდა და მატჩის დასაწყისშივე გაშვებული გოლით 0:1 წააგო. მიუხედავად იმისა, რომ მასპინძლებს დიდი დრო ჰქონდათ თამაშის გადასარჩენად, გოლი ვერ გაიტანეს და დამარცხდნენ.

მიქაუტაძეს ორი საგოლე შანსი ჰქონდა - ჯერ საჯარიმოს მისადგომებიდან არაზუსტად დაარტყა, მერე კი ჯარიმა შეასრულა და მეკარემ აუღო. 89-ე წუთზე ჟორჟმა წითელი ბარათი მიიღო. განზრახ თუ უნებლიედ, მიქაუტაძე წაქცეულ მეტოქეს ფეხით ძალიან უხეშად დაახტა და მსაჯმა პირდაპირ წითელი ბარათი უჩვენა, შედეგად, მომდევნო შეხვედრის გამოტოვება მოუწევს.

სერენი 25 ქულით მე-2 ადგილზეა, მომდევნო ტურში კი 20 დეკემბერს, დეინზეს ესტუმრება. მიქაუტაძე 14 მატჩში გატანილი 16 გოლით 1B დივიზიონის საუკეთესო ბომბარდირია.

📺 მიქაუტაძე მოლენბეეკთან მატჩში

კომენტარები

ბოლო ამბები