Thumbnail

გიორბელიძემ ძირითადში პირველად ითამაშა, ლოჩოშვილი სეზონში მეორედ გააძევეს

ქეთო რაზმაძე პროფილის ფოტო
ქეთო რაზმაძე

ავსტრიის ბუნდესლიგის მე-10 ტურში ლუკა ლოჩოშვილის და გურამ გიორბელიძის ვოლფსბერგერი სტუმრად ტიროლთან 1:4 დამარცხდა. ამ შეხვედრაში გიორბელიძემ ავსტრიული კლუბის მაისურით ძირითად შემადგენლობაში პირველად ითამაშა.

გურამს აქამდე 2 მატჩი ჰქონდა ვოლფსბერგერში ჩატარებული, თუმცა ორჯერვე შეცვლაზე ითამაშა, ამჯერად კი, სასტარტოში გამოჩნდა და 66-ე წუთზე შეცვალეს, როდესაც მისი გუნდი 0:2 მარცხდებოდა. ავსტრიულ გუნდში ძირითადის წევრია ლუკა ლოჩოშვილი, რომელიც გადატვირთული კალენდრისა და დარჩენილი მნიშვნელოვანი მატჩის გამო დაასვენეს და ძირითადში არ იყო.

გურამ გიორბელიძემ (ბურთით) ვოლფსბერგერის სასტარტოში პირველად ითამაშა

ვოლფსბერგერის მთავარ მწვრთნელ ფერდინანდ ფელდჰოფერს ქართველი ლეგიონერის თამაშში ჩართვა 46-ე წუთიდან მოუწია, რადგანაც გუნდი პირველ ტაიმში დაცვაში სუსტად გამოიყურებოდა. სამწუხაროდ, ლუკამ 82-ე წუთზე წითელი ბარათი მიიღო და მოედანი ნაადრევად დატოვა.

22 წლის ქართველი მცველი მიმდინარე სეზონში უკვე მეორედ გააძევეს, მანამდე სადებიუტო თამაშში ზალცბურგთან. აღსანიშნავია, რომ ავსტრიის ჩემპიონატის 8 მატჩში ლუკას ერთადერთი ყვითელი, მაგრამ 2 წითელი ბარათი აქვს.

ვოლფსბერგერი ავსტრიის ბუნდესლიგაში 9 თამაშში მოპოვებული 10 ქულით მე-7 ადგილზეა. ქართველების გუნდს ხუთშაბათს უმნიშვნელოვანესი თამაში აქვს ევროპალიგაზე - როტერდამის ფეიენოორდთან შინ და თუ არ წააგებს, 1/16 ფინალში გავა. შეგახსენებთ, ლოჩოშვილი და გიიორბელიძე ავსტრიაში ზაფხულში, შესაბამისად, დინამო თბილისიდან და გორის დილადან გადავიდნენ.

კომენტარები

ბოლო ამბები