Thumbnail

ჩრდილოეთ მაკედონიის საფეხბურთო ნაკრებმა, რომელიც თბილისში ევრო 2020-ზე გამსვლელი პლეი ოფის ფინალში საქართველოსთან სათამაშოდ ემზადება, ქვეყნის პრეზიდენტისგან გამახნევებელი ზარი მიიღო.

სტევო პენდაროვსკი ფეხბურთელებსა და სამწვრთნელო შტაბს სასტუმროში ვიდეო-ქოლის მეშვეობით შეეხმიანა და პრინციპული მატჩის წინ გუნდში არსებული სიტუაციით დაინტერესდა. პრეზიდენტმა ნაკრებში კორონავირუსთან დაკავშირებული მდგომარეობა გამოიკითხა და თანამემამულეებს წარმატება უსურვა. პენდაროვსკიმ აღნიშნა, რომ დღეს მთელი ქვეყანა ტელევიზორებს იქნება მიჯაჭვული და საყვარელი ნაკრების ევროპის ჩემპიონატზე გასვლას უქომაგებს.

ქვეყნის პირველ პირს ჩრდილოეთ მაკედონიის ნაკრების მთავარი მწვრთნელი იგორ ანგელოვსკი, კაპიტანი გორან პანდევი და სხვებიც ყურადღებით უსმენდნენ და ერთობლივად პირობა დადეს, რომ თბილისში დღეს დაგეგმილ შეხვედრაში გამარჯვებისთვის მაქსიმუმს გაიღებენ.

საქართველოსა და ჩრდილოეთ მაკედონიის ნაკრებების დაპირისპირება 21:00 საათზე უმაყურებლო "დინამო არენაზე" დაიწყება და გამარჯვებული ევროპის ჩემპიონატის საგზურს მოიპოვებს. აქედანვე ცნობილია, რომ წყვილში მოგებული ევროპის ჩემპიონატზე C ჯგუფში გამოვა, სადაც მეტოქეებად ნიდერლანდების, ავსტრიისა და უკრაინის ნაკრებები ეყოლება.

Разговор со македонските фудбалски репрезентативци пред вечерашниот одлучувачки натпревар со Грузија

Тимот на македонската фудбалска репрезентација од мене, но и од сите граѓани, има целосна поддршка. 🇲🇰 Вечерва, од 18:00 часот ќе ги бодриме и ќе навиваме нашите фудбалери да ја победат репрезентацијата на Грузија и да се пласираме на Европското фудбалско првенство догодина. Во краток разговор со капитенот Пандев, селекторот Ангеловски и останатите репрезентативци им посакав среќа и да се вратат во Скопје со победа и во добро здравје. #EURO2020

Posted by Stevo Pendarovski on ხუთშაბათი, 12 ნოემბერი, 2020

კომენტარები

ბოლო ამბები