Thumbnail

დაუშვილის საგოლე პასი ცენტრიდან და გამარჯვება - რა თქვა ქეცბაიამ მატჩის შემდეგ

ნიკო კვარაციხელი პროფილის ფოტო
ნიკო კვარაციხელი
  • თემურ ქეცბაიას ანორთოსისი კვიპროსის თასის 1/4 ფინალშია
  • ბუბა დაუშვილმა თავი საგოლე პასით გამოიჩინა

კვიპროსის თასის 1/8 ფინალში თემურ ქეცბაიას ანორთოსისმა პაფოსს 1:0 მოუგო და შემდეგ ეტაპზე გავიდა. ქეცბაიამ სასტარტო 11-ეულში 3 ქართველი დააყენა: გიორგი ლორია, ბუბა დაუშვილი და თორნიკე ოქრიაშვილი. 77-ე წუთზე მათ გიორგი ქვილითაიაც შეუერთდა. გამარჯვების გოლი კრისტოფიმ ტაიმის მიწურულს გაიტანა, დაუშვილის გრძელი საგოლე პასის შემდეგ. მატჩის შემდეგ თემურ ქეცბაიამ ბოლო დროინდელი სიტუაციებისგან განსხვავებით, გაცილებით მეტი ილაპარაკა.

ანორთოსისი 1/4 ფინალში გავიდა

თემურ ქეცბაია (ანორთოსისის მწვრთნელი): "ვულოცავ გამარჯვებას ჩემ ფეხბურთელებს. ბოლო 10 დღის განმავლობაში 4 მატჩი ვითამაშეთ. დღევანდელი მეტოქე ძალიან კარგი იყო, მაგრამ კარგად ვითამაშეთ და დერბი გველის. კიდევ ერთხელ, ვულოცავ ფეხბურთელებს".

📺 ბუბა დაუშვილის საგოლე პასი პაფოსთან 

ანორთოსისის ოთხივე ქართველი ლეგიონერი ეროვნულ ნაკრებშია გამოძახებული. შეგახსენებთ, რომ 12 ნოემბერს საქართველოს ნაკრები ევრო 2020-ის პლეი ოფის ფინალში ჩრდილოეთ მაკედონიის ნაკრებს მასპინძლობს. 8 ნოემბერს ანორთოსისი ჩემპიონატის მე-10 ტურში ლარნაკას აეკ-ს უმასპინძლებს. სწორედ ეს თამაში იგულისხმა ქეცბაიამ, როცა დერბი ახსენა - ანორთოსისი საშინაო მატჩებს ლარნაკაში ატარებს. 9 ტურიდან 20 ქულით ქართველთა გუნდი მე-2 პოზიციაზეა, თუმცა ლიდერ აპოლონსაც ამდენივე ქულა აქვს (ნაკლები თამაშით). 

კომენტარები

ბოლო ამბები