დიდი სენსაცია - დვალის ფერენცვაროშმა სელტიკი გააგდო

• სელტიკი 1:2 ფერენცვაროში
• 0:1 სიგერი (7), 1:1 კრისტი (53), 1:2 ნგუენი (75)

ლაშა დვალის ფერენცვაროშმა ჩემპიონთა ლიგის მორიგი ეტაპი გადალახა. უნგრელებმა შვედური დიურგარდენის შემდეგ გლაზგოს სელტიკი გააგდეს. ქართველი მცველი მინდორზე 86-ე წუთზე გამოჩნდა.

ფერენცვაროში მომდევნო ეტაპზე ტოკმაც ნგუენმა გაიყვანა, რომელმაც გამარჯვების გოლი 75-ე წუთზე გაიტანა და უნგრულ კლუბს ჩემპიონთა ლიგის მესამე საკვალიფიკაციო ეტაპის საგზური მოუტანა.

სამწუხაროდ, ვაკო გვილიას ლეგია ომონიასთან 0:2 დამარცხდა. ქართველმა ნახევარმცველმა 60 წუთს ითამაშა, რის შემდეგაც მწვრთნელმა მოედნიდან გაიყვანა. ვარშავულმა კლუბმა ევროპალიგის მესამე საკვალიფიკაციო ეტაპზე გადაინაცვლა.