8 ივლ 2020 / 14:23

სიკვდილი ოკეანეში – მსოფლიოს 2-გზის ჩემპიონი დამხრჩვალი იპოვეს

ალექს პულინი წყალქვეშა ნადირობის დროს გაურკვეველ ვითარებაში დაიღუპა
2014 წლის ზამთრის ოლიმპიადაზე ის ავსტრალიის ნაკრების მედროშე იყო

სნოუბორდ კროსში მსოფლიოს 2-გზის ჩემპიონი ალექს პულინი ავსტრალიის სანაპიროსთან ოკეანეში გარდაცვლილი იპოვეს. 32 წლის სპორტსმენი პალმ ბიჩის სიახლოვეს წყალქვეშა ნადირობით იყო დაკავებული, როდესაც მისი კვალი გაქრა.

We are deeply saddened today to learn of the death of Alex “Chumpy” Pullin. A two-time world champion and two-time crystal globe winner. Chumpy was not only a phenomenal athlete and SBX legend, but also an exceptional person who was deeply loved by those who knew him. RIP! pic.twitter.com/qO58hI5Irx
— fissnowboard (@fissnowboard) July 8, 2020

8 ივლისის დილას საძიებო სამუშაოები დაიწყო და მყვინთავებმა მისი ცხედარი, რომელსაც ჟანგბადის ნიღაბი აღარ ეკეთა, ოკეანის ფსკერზე აღმოაჩინეს. მაშველები სპორტსმენის გადასარჩენად 45 წუთის განმავლობაში მუშაობდნენ, თუმცა, შემდეგ სიკვდილი დააფიქსირეს.

საინტერესოა, რომ პულინი სოჭში 2014 წელს ჩატარებულ ზამთრის ოლიმპიურ თამაშებზე ავსტრალიის ნაკრების მედროშე იყო.

გაზიარება