'მშვიდობით, ჯიჯი' - ინტერის სახელოვანი მწვრთნელი გარდაიცვალა

ლუიჯი სიმონი 81 წლის გახლდათ, მან 2019 წელს ინსულტი გადაიტანა
იტალიელმა მწვრთნელმა მილანელებს უეფას თასი მოაგებინა

მილანის ინტერის ყოფილი ფეხბურთელი და მთავარი მწვრთნელი ლუიჯი (ჯიჯი) სიმონი 81 წლის ასაკში გარდაიცვალა. ამის შესახებ იტალიური კლუბის ოფიციალური ვებ-გვერდი იუწყება.

Gigi Simoni ci ha lasciati oggi, 22 maggio. Una data non casuale, la data più interista di tutte.

Ciao Gigi, ci mancherai 👉 https://t.co/R3ldoFUUl3 #FCIM
— Inter (@Inter) May 22, 2020

“მსოფლიო ფეხბურთმა დიდი მწვრთნელი და ჩინებული ადამიანი დაკარგა. ფეხბურთელობის პერიოდში მან ნაპოლისთან ერთად იტალიის თასი, ჯენოაში კი სერია B მოიგო. უკვე მწვრთნელის რანგში ჯიჯიმ ინტერთან ერთად უეფას თასი დაისაკუთრა. 1998 წელს სიმონი იტალიის საუკეთესო მწვრთნელად დაასახელეს, რაც მისი დამსახურებების შესაბამისი დაფასება გახლდათ. მშვიდობით, ჯიჯი, ჩვენ ყოველთვის მოგვენატრები”, - ნათქვამია განცხადებაში.

ცნობისთვის, ინტერისა და ჯენოას გარდა, სიმონის კრემონეზეში, ნაპოლიში, სიენაში, ტორინოში და სხვა უფრო ნაკლებად ცნობილ იტალიურ კლუბებში უმუშავია, ასევე წვრთნიდა ბულგარულ ცსკა-ს. 2019 წელს ლუიჯიმ ინსულტი გადაიტანა და მას შემდეგ ჯანმრთელობას უჩიოდა.

გაზიარება