Thumbnail
  • პანდემიის გამო შეწყვეტილი პორტუგალიის ჩემპიონატი 3 ივნისიდან განახლდება
  • საქართველოს ნაკრების მეკარის გუნდი სეტუბალი სტუმრად მარიტიმოს შეხვდება

პორტუგალიის საფეხბურთო ჩემპიონატი, რომელის კორონავირუსის პანდემიის გამო შეწყდა, 3 ივნისს განახლდება. ამის შესახებ ოფიციალურად პორტუგალიური ლიგის პრესსამსახური იუწყება.

გამოკითხვა

ვინ მოიგებს?

  • მაინცი
  • X
  • ლაიპციგი

ტურნირი, რომელშიც საქართველოს ნაკრების მეკარის გიორგი მაკარიძის გუნდი სეტუბალიც გამოდის, მარტში შეწყდა. პაუზამდე გუნდებს ჩატარებული 24 ტურის მატჩები ჰქონდათ. განახლებულ პრიმეირა ლიგაში ტური 3-7 ივნისს გაიმართება, პირველ დღეს კი პორტიმონენსე-ჟილ ვისენტე და ფამალიკანი-პორტუ ითამაშებენ.

რაც შეეხება მაკარიძის გუნდს, სეტუბალს შეხვედრა 4 ივნისს, სტუმრად მარიტიმოსთან უწევს. სეტუბალს 28 ქულა აქვს და სატურნირო ცხრილში მე-12 პოზიციაზეა. გიორგიმ, რომელიც თავის გუნდში ძირითადი მეკარეა, ჩემპიონატის 23 მატჩში ითამაშა და 24 გოლი გაუშვა, 11 შეხვედრაში კი კარი მშრალად შეინახა.

📷 მაკარიძე სეზონის განახლებისთვის სეტუბალთან ერთად ემზადება

პორტუგალიის ჩემპიონატის სატურნირო ცხრილს 60 ქულით პორტუ ლიდერობს, მეორე პოზიციაზე ბენფიკაა (59 ქულა), ხოლო მესამეზე - ბრაგა (46).

კომენტარები

ბოლო ამბები