Thumbnail
  • ბასკონია 71:56 ცრვენა ზვეზდა
  • თორნიკე შენგელიას 18 ქულა და 5 მოხსნა

თორნიკე შენგელიას ბასკონიამ, ევროლიგის 26-ე ტურში, სერბულ ცრვენა ზვეზდას უმასპინძლა და მეტოქეს 15 ქულით აჯობა - 71:56. ვიტორიელთა ქართველმა კაპიტანმა 29:31 წუთი ითამაშა, რა დროშიც 18 ქულასა და 5 მოხსნას მოუყარა თავი.

თორნიკემ 6-დან 4 ორქულიანი, 4-დან 3 სამქულიანი და 2-დან ერთი საჯარიმო ჩააგდო. შენგელიას ორივე გუნდის რიგებში ყველაზე მეტი ქულა დაუგროვდა და მატჩის MVP გახდა.

ბასკონიას ქომაგთა რჩეულიც თორნიკე შენგელია იყო, რომელმაც ხმათა 38,9% დააგროვა და შეივონ შილდსს 2,6%-ით აჯობა.

ბასკონიას ევროლიგის 27-ე ტურში ბაიერნის წინააღმდეგ თამაში მოუწევს. ვიტორიელებს პლეი ოფში გასვლის მცირე შანსი ისევ აქვთ. ბასკონიას დარჩენილ 4 ტურში ბაიერნთან, ალბასთან, მაკაბისთან და ეფესთან დაპირისპირება მოუწევს.

კომენტარები

ბოლო ამბები