Thumbnail

27 ნომრით მოთამაშე NBA-ს საუკეთესო კალათბურთელები - ზაზა ფაჩულიაც ახსენეს

ნიკო კვარაციხელი პროფილის ფოტო
ნიკო კვარაციხელი
  • 27 ნომრით მოთამაშე საუკეთესო კალათბურთელების ნომინაცია
  • ზაზა ფაჩულია გამოარჩიეს და ძველი ცოდვებიც გაუხსენეს

Yahoo Sports NBA-ს სეზონის წინ მკითხველებს რუბრიკას სთავაზობს - რამდენი დღეც რჩება სეზონის დაწყებამდე, იმ ნომრით მოთამაშე საუკეთესო მოთამაშეს ასახელებს. 

NBA-ს 2019/20 წლების სეზონი 22 ოქტომბერს იწყება, გუშინ Yahoo Sports-მა ასოციის ისტორიაში საუკეთესო კალათბურთელი გამოავლინა, ვისაც 27 ნომრით უთამაშია. 

წაიკითხე | ზაზა ფაჩულიას საოცარი კარიერა! ყველაფერი, რაც 16 წელი მოედანზე ხდებოდა

გამარჯვებული

ჯეკ ტვაიმენი - გამოცემამ საუკეთესოდ ჯეკ ტვაიმენი დაასახელა. ცინცინატი როიალსის მოთამაშე, რომელიც 6-ჯერ შეიყვანეს ოლ სტარში. 1959/60 წლების სეზონში ტვაიმენი საშუალოდ 31 ქულას აგდებდა თამაშში. იმ სეზონში ამდენს მხოლოდ უილტ ჩემბერლენი აგდებდა.

კანდიდატები

ჯო კოლდველი - 4-ჯერ დაასახელეს ოლ სტარში. 1964 წელს ოლიმპიური ჩემპიონი გახდა.

ჯონ ჯონსონი - 2-გზის ოლ სტარი, 1979 წელს სიეტლთან ერთად ჩემპიონი გახდა.

კოლდველ ჯონსი - 1975 წელს ოლ სტარში მოხვდა, კარიერის მეორე ნახევარში სწორედ 27 ნომრით თამაშობდა.

ამჟამად საუკეთესო

რუდი გობერი - ბოლო ორი სეზონია ფრანგი საუკეთესო დამცველია ასოციაციაში. იუტაში მას 27 ნომრიანი მაისურა ეცვა, რადგან 2013 წლის დრაფტზე 27-ე ნომრად აირჩიეს.

სხვები

მარვინ ბარნსი, კეი სი ჯონსი, კენი სეილორსი, ბობ ვერგა

მოთამაშეები, რომლებიც სიაში ვერ მოხვდნენ, თუმცა მოხსენიებას იმსახურებენ:

ჯორდან კროუფორდი, ზაზა ფაჩულია, კევინ სტეიკომი

როგორც ხედავთ, ქართველი კალათბურთელი, რომელმაც 16-სეზონიანი NBA-ს კარიერა ახლახან დაასრულა და გოლდენ სტეიტში დაიწყო მუშაობა, კანდიდატთა შორის ახსენეს. 

"ზაზა ფაჩულია - NBA-ს ორგზის ჩემპიონი, რომელის სამუდამოდ წავიდა ლიგიდან", წერს Yahoo Sports და ლინკს უთითებს, სადაც ყველა ის ეპიზოდია ასახული, რის გამოც ზაზას ბევრი ასოციაციის ყველაზე ბინძურად მოთამაშე კალათბურთელს ეძახდა.

გამოკითხვა

ვინ მოიგებს NBA-ს?

  • კლიპერსი
  • ლეიკერსი
  • მილუოკი
  • ფილადელფია
  • გოლდენ სტეიტი
  • ჰიუსტონი
  • იუტა ჯაზი
  • სხვა გუნდი

კომენტარები

ბოლო ამბები