Thumbnail
  • სიმბოლურ ნაკრებში 5 ფეხბურთელი ბრაზილიიდანაა
  • 12 ქვეყნიდან სიმბოლურში 6 ქვეყნის ფეხბურთელი მოხვდა

კოპა ამერიკა 2019 ბრაზილიის ნაკრების ტრიუმფით დასრულდა. სელესაომ ფინალში პერუს 3:1 მოუგო და სამხრეთ ამერიკის კონტინენტის მთავარ სანაკრებო ტიტულს მეცხრედ დაეუფლა.

ტიტეს ნაკრებმა ტურნირზე მხოლოდ ერთი გოლი გაუშვა და ისიც ფინალში - CONMEBOL-ის სამუშაო ჯგუფმა კოპა ამერიკა 2019-ის გვერდზე ტურნირის სიმბოლური ნაკრები გამოაქვეყნა, სადაც ჩემპიონი ნაკრებიდან ხუთი ფეხბურთელი მოხვდა: ალისონი, ტიაგო სილვა, დანი ალვეში, არტური და ევერტონი.

ფინალისტ პერუელებს სიმბოლურში ორი ფეხბურთელი ჰყავთ: მიგელ ტრაუკო და ტურნირის თანაბომბარდირი პაულო გერერო. რჩეულ თერთმეტეულში ასევე მოხვდნენ: ხოსე ხიმენესი (ურუგვაი), ლეანდრო პარედესი (არგენტინა) არტურო ვიდალი (ჩილე), ხამეს როდრიგესი (კოლუმბია).

კოპა ამერიკა 2020 არგენტინასა და კოლუმბიაში გაიმართება.

Este es el equipo ideal de la CONMEBOL Copa América Brasil 2019, seleccionado por el Grupo de Estudio Técnico (GET) de...

Posted by Copa América on სამშაბათი, 09 ივლისი, 2019

კომენტარები

ბოლო ამბები