- შვეიცარია 3:3 დანია
- დანიამ 14 წუთში 0:3 შემოატრიალა
ევრო 2020-ის შესარჩევი ციკლის D ჯგუფში, რომელშიც საქართველოს ნაკრებიც ასპარეზობს, შვეიცარიის ნაკრებმა დანიას უმასპინძლა, მატჩის დასრულებამდე 14 წუთი რჩებოდა, როცა მასპინძლები 3:0-ს იგებდნენ, მაგრამ ეს უპირატესობა მათ ვერ შეინარჩუნეს - 3:3.
ანგარიში მე-19 წუთზე რემო ფროილერმა გახსნა, რომელსაც საჯარიმოში ბურთი აიეტიმ დაუტოვა.
მეორე ტაიმში ჯერ გრანიტ ჯაკამ, შემდეგ კი ბრილ ემბოლომ ანგარიში 3:0 გახადეს, თუმცა დანია არ დანებდა. მატიას იორგენსენისა და კრისტიან გიტკიაერის გოლებით სიტუაცია დაიძაბა და 93-ე წუთზე ჰენრიკ დალსგაარდმა ანგარიში გაათანაბრა!
შეგახსენებთ, რომ ჯგუფის პირველი ტურის მატჩში შვეიცარიამ თბილისში 2:0 დაამარცხა ვლადიმირ ვაისის გუნდი, ხოლო დანია ისვენებდა.
ჯგუფში მესამე ტურის თამაშები 7 ივნისს გაიმართება. საქართველო გიბრალტარს უმასპინძლებს, ხოლო დანია - ირლანდიას, შვეიცარიის ნაკრები ისვენებს.
შვეიცარია 3:3 დანია
გოლები: 1:0 ფროილერი (19), 2:0 ჯაკა (66), 3:0 ემბოლო (76), 3:1 მ. იორგენსენი (84), 3:2 გიტკიაერი (88), 3:3 დალსგაარდი (93)
შვეიცარია (4-3-3): ზომერი - მბაბუ, ელვედი, აკანჯი, როდრიგესი (46. ბენიტო) - ზაკარია, ჯაკა (79. სოუ), ფროილერი - ემბოლო, აიეტი (72. მეჰმედი), ცუბერი
დანია (4-2-1-3): შმეიხელი - დალსგაარდი, კიაერი, მ. იორგენსენი, ლარსენი - შიონე (70. ჰოიბერგი), დელეინი - ერიკსენი - პოულსენი, ნ. იორგენსენი (70. გიტკიაერი), ბრაიტვაიტი
კომენტარები